Congress: किसान मन ल गुमराह करे बर भाजपा ह करत हे आंदोलन: शैलेश नितिन त्रिवेदी
जय जोहार…. (Congress) धान खरीदी मुद्दा म प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि भाजपा आंदोलन नई अपन किसान विरोधी चरित्र बर प्रायश्चित करे। आज घलो धान खरीदी म भाजपा के केंद्र सरकार ह बाधा डाले म लगे हे। भाजपा ह धान खरीदी के मुद्दा म सिरिफ विरोध के नाव म विरोध करत हे। किसान मन ल गुमराह करे बर भाजपा ह आंदोलन करत हे।
प्रदेश कांग्रेस (Congress) संचार विभाग के अध्यक्ष शैलेश नितिन त्रिवेदी ह कहिन कि भाजपा के बड़े नेता मन ह दिसंबर म अपन धान बेच लिस अऊ किसान मन के धान खरीदी म केंद्र सरकार ले बाधा डलवात हे। भाजपा सरकार ह अपन आखिरी कार्यकाल के साल 17-18 म सिरिफ 12 लाख किसान मन के धान खरीदे रिहिन। 19.36 लाख हेक्टेयर रकबा के धान खरीदीस, जबकि 15 लाख किसान मन के पंजीयन रिहिन।
प्रदेश कांग्रेस (Congress) संचार विभाग के अध्यक्ष शैलेश नितिन त्रिवेदी ह कहिन कि कांग्रेस के सरकार ह ए साल अभी तक जब धान खरीदी म 10 दिन बचे हे, 18.28 लाख किसान मन के धान ल खरीद चुके हे। भाजपा सरकार के समय ले 6.28 लाख ज्यादा अऊ 20.68 हेक्टेयर रकबा के धान रकबा ल खरीद चुके हे। अभी तक धान खरीदी ल करे जावत हे। 21.52 लाख किसान मन के पंजीयन होय हे।
