Chhattisgarh: सीएम भूपेश बघेल ह खाद्य प्रौद्योगिकी महाविद्यालय अऊ 4 नवा उद्यानिकी महाविद्यालय के करिन ई-सुभारंभ

जय जोहार…. (Chhattisgarh) सीएम भूपेश बघेल ह आज इहां अपन निवास कार्यालय म आयोजित कार्यक्रम म खाद्य प्रौद्योगिकी महाविद्यालय समेत 4 नवा उद्यानिकी महाविद्यालय साजा, अर्जुंदा, धमतरी, जशपुर अऊ लोरमी कृषि महाविद्यालय, नवीन कृषि विज्ञान केंद्र कोण्डागांव के सुभारंभ करिन।

इंदिरा गांधी कृषि महाविद्यालय के 35वे स्थापना दिवस म वीडियो कांफ्रेंसिंग ले आयोजित ए कार्यक्रम म (Chhattisgarh) सीएम बघेल ह प्रदेश के कृषि महाविद्यालय, कृषि विज्ञान केंद्र अऊ नवा कृषि महाविद्यालय म 115 करोड़ रुपया के लागत के अधोसंरचना विकास कार्य के लोकार्पण अऊ शिलान्यास करे हे। एमा ले 46 करोड़ 67 लाख रुपया के लागत के कार्य के लोकार्पण अऊ 63 करोड़ 10 लाख रुपया के लागत के कार्य के भूमिपूजन करिन।

ए कार्य म (Chhattisgarh) कृषि महाविद्यालय के भवन, बालक-बालिका छात्रावास, अनुसंधान केंद्र, हाईटेक नर्सरी सीड प्रोसेसिंग भवन अऊ कृषक छात्रावास के निर्माण के कार्य सामिल हे। ए अवसर म सीएम बघेल ह इंदिरा गांधी कृषि विश्वविद्यालय के तरफ ले तैयार करे गे डिजिटल कृषि पंचाग अऊ कृषि दर्शिका 2021 के विमोचन घलो करिन।