Jagdalpur: कांग्रेस सरकार ह 2 साल म ही प्रदेश के ढाई करोड़ लोगन मन के उम्मीद म फेरिस पानी: विष्णुदेव साय
जय जोहार…. (Jagdalpur) भाजपा प्रदेश अध्यक्ष विष्णुदेव साय ह कहिन कि कांग्रेस ह भ्रष्टाचार के जननी हे। ए सती देश म कांग्रेस के दुर्गति होय हे। छत्तीसगढ़ म कांग्रेस के सरकार ह 2 साल म ही प्रदेश के ढाई करोड़ लोगन मन के उम्मीद म पानी फेर दे हे।
लोगन मन ह कांग्रेस शासन ले त्रस्त हे। किसान मन के संग होवत अन्याय अऊ धान खरीदी म गड़बड़ी ल लेके भाजपा ह शंखनाद कर दे हे। अवइया 22 जनवरी के प्रदेशव्यापी आह्वान म सबो जिला म भाजपा रैली निकाल के कलेक्ट्रेट के घेराव करही। गिरफ्तारी घलो देही।
(Jagdalpur) बस्तर प्रवास म आए भाजपा प्रदेशाध्यक्ष श्री साय ह आज भाजपा जिला कार्यालय म पदाधिकारी अऊ कार्यकर्ता मन के बइठक लीन। ए अवसर म वो हा कहिन कि भाजपा विचारधारा ले जुड़े पार्टी हे, जेखर रीढ़ सम्मानीय कार्यकर्ता हे। अइसे पार्टी के कार्यकर्ता होय के हमन ल गर्व महसूस होना चाही।
(Jagdalpur) बस्तर जिला प्रभारी लोकेश कावड़िया ह कहिन कि प्रदेश मुख्यमंत्री ह संगठन अऊ हमर मन के नेता म अभद्र टिप्पणी करे म उतारू हो गे हे। भाजपा कार्यकर्ता ह 22 जनवरी के अपन प्रदर्शन ल एखर जवाब देही। बइठक ल पूर्व मंत्री केदार कश्यप, पूर्व सासंद दिनेश कश्यप अऊ भाजपा जिला अध्यक्ष रूपसिंह मण्डावी ह घलो संबोधित करिन।
बइठक के संचालन महामंत्री रामाश्रय सिंह ह करिन। बइठक म पूर्व विधायक संतोष बाफना, श्रीनिवास राव मद्दी, कमलचंद्र भंजदेव, बैदुराम कश्यप, विद्याशरण तिवारी, राजाराम तोड़ेम, लच्छूराम कश्यप, वेदवती कश्यप, योगेन्द्र पाण्डे, श्रीनिवास मिश्रा, श्रीधर ओझा, संग्राम राणा, रजनीश पानीग्राही, नरसिंह राव, संजय पाण्डे, सुरेश गुप्ता उपस्थित रिहिन।
