Raipur: वनोपज, उद्यानिकी अऊ कृषि फसल ले तैयार उत्पाद के होही ब्रांडिंग, पढ़व

जय जोहार…. (Raipur) सीएम भूपेश बघेल ह छत्तीसगढ़ के ग्रामीण अंचल म वनोपज, उ्दयानिकी अऊ कृषि फसल के प्रसंस्करण ले तैयार करे जावत उत्पाद के ब्रांडिंग अऊ ओखर सुदृढ़ डिस्ट्रीब्यूशन नेटवर्क तैयार करे के निर्देश सबो जिला कलेक्टर अऊ वन विभाग के अधिकारी मन ल दे हे।

अधिकारी मन ल जारी निर्देश म सीएम बघेल ह कहे कि राज्य के अलग-अलग जिा म कई वनोपज, हार्टीकल्चर अऊ कृषि उत्पाद के प्रसंस्करण के कार्य करे जावत हे। जिला म भ्रमण के दौरान ये जानकारी प्राप्त होय हे कि (Raipur) जिला स्तर म अलग-अलग वस्तु के उत्पादन अऊ प्रसंसरण त होवत हे, लेकिन ब्रांडिंग अऊ डिस्ट्रीब्यूशन नेटवर्क नई होय सती ए प्रयास के समुचित लाभ ह ग्रामीण मन ल नई होवत हे।

(Raipur) प्रदेश के आदिवासी अऊ ग्रामीण मन ल कच्चा माल के संग्रहण अऊ प्रसंस्करण के जादातर लाभ सुनिश्चित करे बर ये आवश्यक हे कि अलग-अलग जिा म उत्पादित होवइया उपयोगी उत्पाद के ब्रांडिंग अऊ वितरण के कार्य ल लघु वनोपज संघ के तरफ ले संचालित संजीवनी दुकान अऊ निजी क्षेत्र के मदद लेके करे जाए।