Chhattisgarh म लाख उत्पादक किसान मन ल घलो मिलही अब अल्पकालीन कृषि ऋण अऊ ब्याज अनुदान के लाभ, पढ़व

जय जोहार…. (chhattisgarh) सीएम भूपेश बघेल के घोसना के अनुरुप छत्तीसगढ़ म लाख उत्पादन ल कृषि के दर्जा मिले हे। राज्य शासन के तरफ ले लाख उत्पादक किसान अऊ किसान समूह मन ल घलो कृषि फसल के अनुरूप अल्पकालीन कृषि ऋण अऊ ऋण म नियम के अनुसार ब्याज अनुदान ले लाभान्वित करे के आदेश जारी कर दे गे हे।

ए संबंध म (chhattisgarh) कृषि विकास-किसान कल्याण अऊ जैव प्रौद्योगिकी विभाग के संयुक्त सचिव के तरफ ले आदेश म कहे गे हे कि कुसुम, पलाश, बेर आदि वृक्ष अऊ सेमियालता आदि फसल म लाख उत्पादन अऊ प्राथमिक प्रसंस्करण बर किसान अऊ कृषक समूह ल कृषि फसल के अनुरूप अल्पकालीन कृषि ऋण तय ऋणमान म प्रदान करे जाही। ओ मन ल अल्पकालीन कृषि ऋण म नियम के अनुसार ब्याज अनुदान घलो देय होही।

(chhattisgarh) राज्य सरकार के तरफ ले किसान मन के हित म ले गे ए महत्वपूर्ण निर्णय ले प्रदेश के 50 हजार किसान मन ह सीधा तौर म लाभान्वित होही। वर्तमान म राज्य म 4500 टन लाख के उत्पादन होवत हे। राज्य म बड़े पैमान म आदिवासी अऊ वनवासी किसान मन ह एखर खेती म लगे हुये हे। राज्य सरकार के ए निर्णय ले किसान मन ल अल्पकालीन कृषि ऋण जइसे सुविधा मिले ले लाख के खेती अऊ उत्पादन ल बढ़ावा मिलही।