Chhollywood: छत्तीसगढ़ी फिलिम एक और लव स्टोरी हो गे प्रदर्शित, मन कुरैशी अऊ ट्विंकल के अभिनय ले सजे हे फिलिम

जय जोहार…. (Chhollywood) छत्तीसगढ़ी फिलिम एक और लव स्टोरी आज पूरा प्रदेश भर म प्रदर्शित हो गे। ए फिलिम के कहानी अऊ संवाद ह अच्छा हे, जेन ह निश्चित दर्शक मन ल पसंद आही।

(Chhollywood) फिलिम के कहानी ह आम प्रेम कहानी के तरह हे, पर मध्यान्तर के बाद एमा कुछु मोड़ आवत हे। एखर बर आप मन ल सुरु ले आखिरी तक फिलिम ल देखे ल पड़ही। ए फिलिम म लवर ब्वाय के संगेसंग कामेडी अऊ एक्शन म मन कुरैशी ह भरपूर जलवा बिखेरे हे।

उहचे हीरोइन म ट्विंकल ह नजर आय हे। (Chhollywood) एखर संगेसंग पुष्पेंद्र सिंह, संजू, संगीता, रवि शुक्ला, हेमलाल कोशले, कीर्ति प्रकाश जायसवाल अऊ अजय पटेल ह नजर आही। ए फिलिम म पांच गाना हे, जेमा ले दू गाना पिया रे, जिया रे अऊ नैना ले नैना ले… पहिले काफी लोकप्रिय हो चुके हे।