Raipur: कमल विहार योजना के भूखंड के होय हे रिकार्ड बिक्री, एक दिन म बिक गे 118 भूखंड

जय जोहार…. (Raipur) रायपुर विकास प्राधिकरण के कमल विहार योजना ल अच्छा प्रतिसाद मिलत हे। निविदा के जरिये 12 फरवरी के 118 भूखंड के बिक्री ले रायपुर विकास प्राधिकरण ल 52 करोड़ रुपया प्राप्त होय हे। जेन ह भूखंड के बिक्री के रिकार्ड हे।

कमल विहार योजना (Raipur) के 118 भूखंड बिके हे, जेमा 108 व्यावसायिक भूखंड, 9 आवासीय, 1 भूखंड सार्वजनिक/अर्द्धसार्वजनिक उपयोग के भूखंड सामिल हे। बता देन कि व्यावसायिक प्रयेाजन, मिश्रित, सार्वजनिक अऊ अर्द्धसार्वजनिक प्रयोजन के भूखंड के साल 2018-19 म बिक्री ले 1.84 करोड़ अऊ साल 2019-20 ले 5 करोड़ 70 लाख रुपया के आय होय रिहिन।

सीएम भूपेश बघेल अऊ पर्यावरण मंत्री मोहम्मद अकबर के मार्गदर्शन म (Raipur) कमल विहार योजना के भूखंड ल बेचे बर दे गे रियायत अऊ निविदा आमंत्रण ल अच्छा प्रतिसाद मिले हे। एखर सती निविदा ले एक दिन म अलग-अलग प्रयोजन बर कुल 118 भखंड बिके हे, जेखर ले प्राधिकरण ल 52 करोड़ रुपया प्राप्त होय हे।