chhollywood: छत्तीसगढ़ी फिलिम कुरुक्षेत्र के होय हे मुहूर्त, करन खान अऊ दिलेश साहू होही मुख्य भूमिका म

जय जोहार…. (chhollywood) छत्तीसगढ़ी फिलिम कुरुक्षेत्र के रविवार के मुहूर्त होय हे। ए फिलिम म करन खान अऊ दिलेश साहू ह मुख्य नायक के भूमिका म होही। संगेसंग पूजा साहू अऊ ज्योत्सना ताम्रकार मुख्य अदाकार होही। ए फिलिम ह सांई कृष्णा फिलिम्स अऊ निर्माता-निर्देशक उदय कृष्णा के बेनर तले बनइया हे।

फिलिम (chhollywood) के निर्दशन टीम म कौशल उपाध्याय, शांतनु पतानवार, विशाल दुबे, अनुपमा मनहर, समीर चंद्र, अनुपम वैष्णव होही। फिलिम के कैमरा मैन राजन जायसवाल अऊ शेखर भास्कर होही। ए फिलिम के संगीतकार डॉ रवि पटेल के हे। फिलिम के शूटिंग ल मार्च के पहिली सप्ताह म सुरू करे जाही।

फिलिम (chhollywood) के सबो गीत ल ऋषभ सिंह ल लिखे हे। गाना के गोरिओग्राफी के जिम्मा बाबा बघेल ह निभाही। फिलिम के शूटिंग ल कसडोल, शिवरीनारायण, सिरपुर, सतरेंगा, मैनपाट के खूबसूरत वादी म करे जाही। फिलिम म कास्टयूम लोकेश साहू के होही।