Corona: देश म बीते 24 घंटा म सामने आय हे 9 हजार ले जादा नवा मामला, पढ़व
जय जोहार।….(Corona) देश म पिछिले 24 घंटा म कोरोना के 9 हजार ले जादा नवा मामला ह सामने आय हे। उहचे 11805 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 81 मरीज मन के मौत हो गे हे।
केद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 9121 नवा मरीज मिले हे। एला मिला के देश म कोरोना संक्रमण के मामला ह बाढ़ के 1 करोड़ 09 लाख 25 हजार 710 हो गे हे। जेमा ले 1 लाख 36 हजार 872 एक्टिव मामला हे।
उहचे 1 करोड़ 06 लाख 33 हजार 025 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 55 हजार 813 लोगन मन के मौत हो गे हे।
