Chhollywood कलाकार मनमोहन सिंह ठाकुर ह अब गायन म घलो दर्शक मन के दिल म करही राज

जय जोहार…. (Chhollywood) छत्तीसगढ़ी फिलिम म खलनायक के पात्र निभइया मनमोहन सिंह ठाकुर ल अब लोगन मन ह एक नवा अंदाज म देखही। हीरोगिरी यूट्यूब कंपनी म जल्दी ओखर गाये 8 गाना लोगन मन ल सुने बर मिलही।

कलाकार मनमोहन सिंह ठाकुर छालीवुड सिनेमा म एकठन जाना पहचाना नाव हे। जेन ह छत्तीसगढ़ी म एक ले बाढ़ के एक फिलिम म अपन खास किरदार निभाये हे। (Chhollywood) दर्शक मन ह ओखर किरदार ल देखे बर बड़ अकन संख्या म सिनेमाघर पहुंचत हे और किरदार के तारीफ घलो करत हे। अब ये कलाकार ह गायकी के क्षेत्र म आ गे हे।

(Chhollywood) कलाकार मनमोहन सिंह ठाकुर ह बताईस कि मोर गांव म हर साल होवइया रामलीला म कुछु बात फिक्स रिहिन। जईसे मोर लक्ष्मण के बाद परी बनना अऊ स्व. बड़े भाई ध्रुव सिंह के मुख्य गायक होना। ए प्रसंग के दौरान जब बड़े भाई ल रामायण के चौपाई ल गावत देखतेंव, त सोचतेन्व का मेहा गायक बन पाहूं। पर गायक बने के कसक ह बरकरार रहीस। अब मोर आवाज म एक, दू नइ बलकी आठ गाना ल वीडियो म सुन पाहू।