BJP प्रदेश कार्यसमिति के दो दिनी बइठक आज ले, प्रदेश सहप्रभारी नितिन नवीन होही सामिल, पढ़व

जय जोहार…. (BJP) भारतीय जनता पार्टी प्रदेश कार्यसमिति के बइठक ह 13 अऊ 14 मार्च के होवइया हे। प्रदेश पदाधिकारी मन के बइठक ह दोपहर तीन बजे ले भाजपा प्रदेश कार्यालय कुशाभाऊ ठाकरे परिसर म सुरू होही।

एमा बीते 3 महिना म करे गे कार्य के विस्तार ले समीक्षा होही। (BJP) उहचे अवइया रणनीति तय करे जाही। ए बइठक म सबो प्रदेश पदाधिकारी समेत सह प्रभारी नितिन नवीन उपस्थित रही। 14 मार्च के प्रदेश कार्यसमिति के अहम बइठक होही, जेमा प्रदेश प्रभारी डी पुरंदेश्वरी घलो सामिल होही।

ए बइठक म अवइया तीन महिना के रणनीति तय होही। (BJP) संगेसंग छत्तीसगढ़ म सरकार ल घेरे के रणनीति घलो तय करे जाही। उहचे कई राजनातिक प्रस्ताव घलो पारित करे जाही। एखर आलावा मोर्चा अऊ प्रकोष्ठ के कार्य के घलो समीक्षा करे जाही।