Corona: देश म पिछिले 24 घंटा म बाढ़ गे कोरोना के 28 हजार ले जादा नवा मरीज, पढ़व

जय जोहार…. (Corona) देश म बीते 24 घंटा म कोरोना के 28 हजार ले जादा नवा मरीज के पहचान होय हे। उहचे 17741 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 188 संक्रमित के जान चले गे हे।

केंद्रीय स्वास्थ्य मंत्रालय ले जारी जारी आंकड़ा के मुताबिक देश म बीते 24 घंटा म (Corona) कोरोना के 28903 नवा मरीज मिले हे। एला मिला के देश म कोरोना संक्रमण के मामला ह 1 करोड़ 14 लाख 38 हजार 734 हो गे हे, जेमा ले 2 लाख 34 हजार 406 एक्टिव मामला हे।

उहचे 1 करोड़ 10 लाख 45 हजार 284 लोगन मन ह कोरोना (Corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 59 हजार 084 लोगन मन के मौत हो गे हे।