ननकी के पक्का मकान के सपना होइस पूरा

बैकुण्ठपुर। जिले के आदिवासी विकासखंड सोनहत के गांव तुर्रीपानी के निवासी 45 वर्षीय ननकी बाई के पक्का मकान के सपना पूरा होगे हावे। ओ ह अब प्रधानमंत्री आवास योजना के तहत पक्का घर पा के खुशी हाबे। ननकी बाई के कहिना हे कि भाजपा सरकार ह मोला प्रधानमंत्री आवास योजना के तहत पक्का घर बनाके दिस हे। नहीं तो ओखर बर सुंदर पक्का मकान के सपना देखना भी मुमकिन नई रिहिस।

कलेक्टर नरेंद्र कुमार दुग्गा ह 19 जनवरी के अपन दौरा के दौरान ननकी बाई ले मिलिस अउ ओखर आवास निर्माण बर मिलईया राशि अउ सामाग्री के बारे में पूछिस। कलेक्टर ह ओखर द्वारा निर्मित प्रधानमंत्री आवास के प्रशंसा करिस एउ ओला तुरंत रहे बर किहिस। ए मऊका मा ननकी बाई के कहना हे कि कभी अईसे समय घलो रिहिस जब मोर जगह खाना खाए के पईसा नई रिहिस। ओ समय ओ ह नानकून झोपड़ी म रहत रिहिस। माटी के घर मा अब्बड़ मरम्मत करे बर लागत रिहिस। बरसात मा घर के छानी बनवाए बर लागे त ओखर बाद छबाई- मुदाई के काम करे बर पड़े। ये ह बड़ मुश्किल वाला दिन रिहिस। अब प्रधानमंत्री आवास ह ये जम्मो मुसीबत ले छुटकारा दिला दिस।