chhattisgarh म सरलघा बाढ़त जावत हे कोरोना, 24 घंटा म सामने आय हे 2668 नवा मामला, रायपुर म घलो 689 पाजिटिव

जय जोहार…. (chhattisgarh) छत्तीसगढ़ म कोरोना संक्रमण के मामला ह थमे के नाव नई लेवत हे। राज्य म बीते 24 घंटा म कोरोना के 2668 नवा मरीज के पहचान होय हे। उहचे 570 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। जबकि इलाज के दौरान 22 मरीज मन के मौत हो गे हे।

(chhattisgarh) बीते 24 घंटा म कोरोना के जेन नवा मामला मिले हे, ओमा दुर्ग ले 988, रायपुर ले 689, राजनांदगांव ले 178, बिलासपुर ले 113, बेमेतरा ले 97, सरगुजा ले 77, महासमुंद ले 70, बालोद ले 55, कोरबा ले 50, बलौदाबाजार ले 45, जशपुर ले 44, धमतरी ले 42, कोरिया ले 39, सूरजपुर ले 33, जांजगीर-चांपा ले 25, कांकेर ले 22, गरियाबंद ले 20, रायगढ़ ले 17, कबीरधाम ले 16, बस्तर ले 12, गौरेला-पेंड्रा-मरवाही ले 8, मुंगेली अउ बीजापुर ले 6-6, सुकमा ले 4, दंतेवाड़ा ले 3, नारायणपुर ले 2, कोंडागांव अउ बलरामपुर ले 1-1 मरीज सामिल हे।

बता देन कि प्रदेश (chhattisgarh) म कोरोना संक्रमित मन के संख्या ह 3 लाख 34 हजार 778 हो गे हे। जेमा ले 15307 एक्टिव मामला हे। उहचे 3 लाख 15 हजार 423 मरीज मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 4048 संक्रमित मन के मौत हो गे हे।