chhattisgarh के नाव एक अउ रिकार्ड, ए बछर सबले जादा परिवार मन ल देइन हे 100 दिन के रोजगार

जय जोहार…. (chhattisgarh) छत्तीसगढ़ ह मनरेगा के क्रियान्वयन म सरलघा नवा कीर्तिमान स्थापित करत हे। प्रदेश ह चालू वित्तीय बछर 2020-21 म सबले जादा मानव दिवस रोजगार सृजन के संग ए बछर सबले जादा परिवार मन ल 100 दिन के रोजगार दे के रिकार्ड बनाए हे।

ए बछर अब तक 5 लाख 54 हजार 322 परिवार ल 100 दिन के काम उपलब्ध कराये गे हे। ए मामला म छत्तीसगढ़ (chhattisgarh) ह पूरा देस म पांचवा स्थान म हे। सिरिफ राजस्थान, उत्तरप्रदेश, आंध्रप्रदेश अऊ पश्चिम बंगाल ह एमा प्रदेश ले आगू हे।

(chhattisgarh) ए राज्य म मनरेगा जाबकार्डधारी परिवार ल संख्या अउ भारत सरकार के तरफ ले निर्धारित रोजगार सृजन लक्ष्य ह छत्तीसगढ़ ले जादा हे। प्रदेश म ए बछर अब तक 17 करोड़ 66 लाख ले जादा मानव दिवस रोजगार के सृजन करे जा चुके हे, जेन मनरेगा लागू होय के बाद ले सबले जादा हे।