Chhattisgarh : स्वास्थ्य मंत्री टीएस सिंहदेव ह केंद्रीय स्वास्थ्य मंत्री हर्षवर्धन ल लिखे हे पत्र, करिन ये आग्रह

जय जोहार…. (Chhattisgarh) प्रदेश के स्वास्थ्य मंत्री टीएस सिंहदेव ह केंद्रीय स्वास्थ्य मंत्री हर्षवर्धन ल पत्र लिखे हे। एमा पत्रकार मन ल फ्रंट लाइन वारियर्स के रूप म टीकाकरण के आग्रह करे हे।

प्रदेश के स्वास्थ्य मंत्री सिंहदेव ह पत्र म लिखे हे कि आज जब देश म कोरोना के द्वितीय लहर म बड़का संख्या म मनखे मन ह संक्रमित होवत हे, तब (Chhattisgarh) ए जंग म प्रिंट-इलेक्ट्रानिक अऊ वेब मीडिया के पत्रकार मन के योगदान ल घलो धियान म रखना चाही।

(Chhattisgarh) पत्रकार साथी मन ह सुरू ले कोरोना काल म बहुमूल्य योगदान दे हे, जेन निश्चित रूप ले सराहनीय हे। कोरोना के रोकथाम अउ जांच, वैक्सीनेशन आदि ले संबंधित पल-पल के खबर ल प्रचारित अउ प्रसारित कर जनहित बर जनता अऊ सरकार के मध्य कड़ी के कार्य करत हे।