Corona: देश म बीते 24 घंटा म होय हे कोरोना के 96 हजार ले जादा नवा मरीज के पहचान, पढ़व
जय जोहार…. (Corona) देश म पिछिले 24 घंटा म कोरोना के 96 हजार ले जादा नवा मामला दर्ज करे गे हे। उहचे 50095 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 446 मरीज मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 96982 नवा मरीज मिले हे। एला मिला कोरोना संक्रमित मन के संख्या ह 1 करोड़ 26 लाख 86 हजार 049 हो गे हे। जेमा ले 7 लाख 88 हजार 223 एक्टिव मामला है।
उहचे 1 करोड़ 17 लाख 32 हजार 279 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 65 हजार 547 मरीज के मौत हो गे हे।