Dhamtari: कोरोना ले भाजपा नेत्री संतोषी साहू के हो गे मौत, अस्पताल म चलत रिहिस इलाज

जय जोहार…. (Dhamtari) कोरोना ले भाजपा महिला नेत्री संतोषी साहू के मौत हो गे हे। ओ हा मगरलोड के पूर्व सभापति अउ भाजपा के कार्यकारिणी सदस्य रिहिस। ओखर निधन के खबर ले भाजपा महिला मंडल धमतरी म शोक के लहर हे।

मिले जानकारी के मुताबिक (Dhamtari) भाजपा नेत्री संतोषी साहू के कुछु दिन पहले तबीयत खराब हो गे रिहिन, जेखर बाद ओखर कोरोना जांच कराए गे रिहिन, एमा रिपोर्ट ह पाजिटिव आय के बाद ओ मन ल अस्पताल म भर्ती कराए गे रिहिन। उपचार के दौरान ओखर आज मौत हो गे।

(Dhamtari) मगरलोड भाजपा मंडल अध्यक्ष होरीलाल साहू ह बताईस कि संतोषी साहू ह काफी मिलनसार रिहिस। संगेसंग सबो कार्य म अग्रणी घलो रिहिस।