Big breaking: 1 मई ले 18 बच्छर के उपर उमर के सबो मनखे मन ल लगही कोरोना वैक्सीन, पढ़व

जय जोहार…. (Big breaking) एक मई ले 18 बच्छर ले उपर उमर के सबो मनखे मन ल वैक्सीन के डोज दे जाही। ए फइसला ल पीएम नरेंद्र मोदी ह ए बइठक के बाद ले हे। पीएम मोदी ह कहिन कि पिछिले एक बच्छर ले सरकार ह पूरा कोशिश करत हे कि देश म जादा ले जादा मनखे मन ल वैक्सीन के डोज दे जाए।

(Big breaking) 18 बच्छर ले उपर उमर के मनखे मन ल कोरोना वायरस वैक्सीन लगाए ल लेके सरकार के तरफ ले कहे गे हे कि एला लेके जल्दी प्रोटोकाल के बारे म जानकारी दे जाही। ए मनखे मन ल वैक्सीन बर कीमत चुकाना होही या नई। एमा सरकार जल्दी जानकारी ल साझा करही।

बता देन कि हाल के दिन म कई राज्य के मुख्यमंत्री मन ह ये मांग करे रिहिन कि कोरोना वैक्सीन के तय उमर के सीमा ल कम करे जाए। अइसे म सरकार ह ये फइसला ले हे। अब तक 45 बच्छर ले उमर के मनखे मन ल ही वैक्सीन के खुराक दे जावत रिहिन, (Big breaking) लेकिन अब 18 बच्छर ले जादा के उमर के मनखे मन ल घलो एक मई ले वैक्सीन दे जाही। वैक्सीनेशन सेंटर म मनखे मन ल अपन आधार कार्ड लेके जाना होही, जेखर बाद ओमन ल वैक्सीन के डोज दे जाही।