Corona: छत्तीसगढ़ म आज होय हे 17397 नवा मरीज के पहचान, रायपुर म घलो 3215 पाजिटिव

जय जोहार…. प्रदेश म कोरोना (Corona) संक्रमण के मामला ह कम होय के नाव नई लेवत हे। प्रदेश म शुक्रवार के कोरोना के 17397 नवा मरीज सामने आय हे। उहचे 14284 मरीज मन ल बने होय के बाद अस्पताल ले छुट्टी दे दे गे हे। जबकि उपचार के दौरान 219 मरीज के मौत हो गे हे।

आज जेन कोरोना (Corona) के नवा मरीज मिले हे, ओमा रायपुर ले 3215, दुर्ग ले 1857, बिलासपुर ले 1317, रायगढ़ ले 1144, राजनांदगांव ले 973, जांजगीर-चांपा ले 908, कोरबा ले 843, बलौदाबाजार ले 801, मुंगेली ले 521, कांकेर ले 482, महासमुंद ले 479, धमतरी ले 470, कबीरधाम ले 444, सूरजपुर ले 440, सरगुजा ले 433, बेमेतरा ले 421, कोरिया ले 413, जशपुर ले 394, बलरामपुर ले 380, बालोद ले 363, गरियाबंद ले 321, गौरेला-पेंड्रा-मरवाही ले 301, बस्तर ले 199, कोंडागांव ले 141, दंतेवाड़ा ले 40, बीजापुर ले 34, सुकमा ले 23, नारायणपुर ले 18 मरीज सामिल हे।

बता देन कि प्रदेश म कोरोना (Corona) संक्रमित मन के संख्या ह 6 लाख 22 हजार 965 हो गे हे। जेमा ले 1 लाख 23 हजार 479 एक्टिव मामला हे। उहचे 4 लाख 92 हजार 593 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 6893 संक्रमित मन के मौत हो गे हे।