Bilaspur District म 6 मई तक बाढ़ीस लाकडाउन, कलेक्टर ह जारी करिन आदेश
जय जोहार…. बिलासपुर जिला (Bilaspur District) म घलो लाकडाउन ल 6 मई तक बढ़ा दे गे हे। ए संबंध म कलेक्टर सारांश मित्तर ह आदेश जारी कर दे हे। लाकडाउन के दौरान ठेला म सब्जी, फल अउ किराना सामान बेचे के छूट दे हे। संगेसंग सबो किराना के दुकान, मंडी, थोक अउ फुटकर के दुकान ह नई खुलही।
ए दौरान (Bilaspur District) फल, सब्जी, अंडा, पोल्ट्री, मछली अउ किराना सामग्री के होम डिलीवरी ल बिहनिया 7 बजे ले दोपहर 12 बजे तक छोटे वाहन ले करे के अनुमति दे गे हे। दुग्ध पार्लर अउ दुग्ध वितरण बर बिहनिया 7 बजे ले 9 बजे तक अउ संझा 5 बजे ले 6.30 बजे तक अनुमति होही। न्यूज पेपर हाकर मन ल समाचार पत्र के वितरण बर बिहनिया 6 ले 8 बजे तक अउ संझा 5 बजे ले 6.30 बजे तक बेरा तय करे गे हे।
(Bilaspur District) पेट शाप अउ एक्वेरियम ल सिरिफ पशु चारा दे बर बिहनिया बिहनिया 6 बजे ले 8 बजे तक अउ संझा 5 बजे ले 6.30 बजे तक शाप खोले के अनुमति होही। ए बेरा म पशु चारा के लोडिंग अउ अनलोडिंग के घलो अनुमति होही।
