Corona: देश म बीते 24 घंटा म सामने आय हे कोरोना के 3.79 लाख ले जादा नवा मरीज, पढ़व

जय जोहार…. देश म कोरोना (Corona) संक्रमण के मामला ह कम होय के नाव नई लेवत हे। देश म बीते 24 घंटा म कोरोना के 3.79 लाख ले जादा नवा मरीज सामने आय हे। उहचे 2 लाख 69 हजार 507 संक्रमित मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 3645 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना के 3 लाख 79 हजार 257 नवा मरीज मिले हे। एला मिला के देश म बता देन कि प्रदेश म कोरोना (Corona) संक्रमित मन के संख्या ह 1 करोड़ 83 लाख 76 हजार 524 हो गे हे। जेमा ले 30 लाख 84 हजार 814 एक्टिव मामला हे।

उहचे 1 करो़ड़ 50 लाख 86 हजार 878 मरीज मन ह कोरोना (Corona) ल मात दे दे हे। जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 2 लाख 04 हजार 832 संक्रमित मन के मौत हो गे हे।