Corona: देश म 24 घंटा म होय हे 3.86 लाख ले जादा नवा मरीज के पहचान, पढ़व

जय जोहार…. देश म बीते 24 घंटा म कोरोना (Corona) के 3.86 लाख ले जादा नवा मरीज के पहचान होय हे। उहचे 2 लाख 87 हजार 081 मरीज मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 3498 मरीज मन के जान चले गे हे।

केंद्रीय स्वास्थ्य मंत्रालय ले जारी आंकड़ा के अनुसार देश म बीते 24 घंटा म कोरोना (Corona) के 3 लाख 86 हजार 452 नवा मामला मिले हे। एला मिला के देश म कोरोना संक्रमित मन के संख्या ह 1 करोड़ 87 लाख 54 हजार 925 हो गे हे। जेमा ले 31 लाख 69 हजार 169 एक्टिव मामला हे।

उहचे 1 करोड़ 53 लाख 69 हजार 362 मरीज मन ह कोरोना ले जंग जीत गे हे। जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 2 लाख 08 हजार 313 मौत हो गे हे।