Corona: देश म बीते 24 घंटा म बाढ़ गे कोरोना के 4.1 लाख ले जादा नवा मरीज, पढ़व

जय जोहार…. देश म कोरोना संक्रमण के मामला ह सरलघा बाढ़त जावत हे। बीते 24 घंटा म देश म कोरोना (Corona) के 4.1 लाख ले जादा नवा मरीज के पहचान होय हे। उहचे 2 लाख 99 हजार 288 मरीज मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 3523 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) 4 लाख 01 हजार 993 नवा मामला मिले हे। एला मिला के देश म कोरोना संक्रमण के मामला ह 1 करोड़ 91 लाख 64 हजार 969 हो गे हे, जेमा ले 32 लाख 68 हजार 710 एक्टिव मामला हे।

उहचे 1 करोड़ 56 लाख 84 हजार 406 मरीज मन ह कोरोना (Corona) ले जंग जीत गे हे। जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 2 लाख 11 हजार 853 मरीज के मौत हो गे हे।