कांग्रेस संगठन म बड़ बदलाव… मोतीलाल वोरा के छुट्‌टी

नई दिल्ली/रायपुर । कांग्रेस संगठन म बड़ा बदलाव करे गिस हे। कांग्रेस म लंबे बेरा ले रास्ट्रीय कोषाध्यक्छ के जुम्मेदारी संभालइया मोतीलाल वोरा ह अपन पद ले इस्तीफा दे दिस हे। मोतीलाल वोरा ह इस्तीफा कांग्रेस अध्यक्ष राहुल गांधी ल सउप दिस हे।
मोतीलाल वोरा के इस्तीफा स्वीकार कर लेय गिस हे अउ अहमद पटेल ल उमन के जगा पार्टी के नवा कोषाध्यक्छ पद के जुम्मेदारी सउपे गिस हे। मोतीलाल वोरा ह स्वास्थ्य कारन ले राष्ट्रीय कोषाध्यक्छ पद ल छोड़े हे। कांग्रेस पार्टी म कोषाध्यक्छ के काम अउ बेहद खास होथे। कोषाध्यक्छ ही ये तय करत हे के पार्टी बर फंड कहां ले आही अउ पार्टी बर जे फंड जुटाय गिस हे ओला कइसे कोन मद म अउ कइसे खरच करना हे।
कांग्रेस संगठन म अउ बदलाव करे गिस हे। आनंद शर्मा ल घलो नवा जुम्मेदारी देय गिस हे। आनंद शर्मा ल विदेश विभाग के चेयरमैन बनाय गिस हे। जबके मीरा कुमार कांग्रेस कारय समिति के स्थाई सदस्य बनाय गिस हे।