बालोद जिला के एक अउ स्कूल म तालाबंदी

बालोद। जिला म प्रदेस स्तर म सिक्छा के क्षेत्र म एक नया आयाम स्थापित कर इतिहास रचे हे, विगत कई बछर ले इहां के सरकारी स्कूल मन म पढ़इया लइका मन टॉप-10 म स्थान बनावत हे, उहें दूसर ओर जिला के कई स्कूल सिक्छक मन के कमी ले जूझवत हे, जेखर ले लगातार लइका मन के पढ़ाई प्रभावित होवत हे, जिला के आदिवासी क्षेत्र डौंडी विकासखंड के अंतरगत सासकीय प्राथमिक साला पुसावड़ म आज गुरूवार के सिक्छक मन के कमी ल लेके साला समिति प्रबंधन अउ ग्रामीन मन ले मिलके स्कूल म तालाबंदी कर दीस हे, मिले जानकारी अनुसार सासकीय प्राथमिक स्कूल पुसावड़ म कुल 70 लइका मन अध्यनरत हे, जेमन ल पढ़ाय के जुम्मा सिरिफ एक सिक्छक के कंधा मन म हे, ग्रामीन मन ले मिले जानकारी अनुसार उक्त स्कूल म पूरव म पदस्थ 2 सिक्छक मन के प्रमोसन होगे हे अउ 1 सिक्छक ल बीआरसी बनाये गेहे, कतको बार डौंडी बीईओ अउ डीईओ के सिक्छक के मांग के लेके अवगत कराय गेहे, परंतु सिरिफ आश्वासन ही मिलथे, जेकर ले आज स्कूल म तालाबंदी के नउबत आन पड़ीस हे।