chhattisgarh के कई जिला के कलेक्टर मन के हो गे तबादला, सौरभ कुमार होही रायपुर के नवा कलेक्टर
जय जोहार…. (chhattisgarh) छत्तीसगढ़ के कई जिला के कलेक्टर के तबादला हो गे हे, एखर संगेसंग कई आईएएस अधिकारी मन के घलो ट्रांसफर करे गे हे। राज्य सरकार ह कई जिला के कलेक्टर के संग आईपीएस अधिकारी मन के तबादला सूची ल जारी कर दे हे।
जारी सूची के अनुसार (chhattisgarh) सौरभ कुमार ल रायपुर कलेक्टर के जिम्मेदारी दे गे हे। रायपुर कलेक्टर एस भारतीदासन ल नवा डीपीआर बनाए गे हे। उहचे डीपीआर तारन प्रकाश सिन्हा ह राजनांदगांव के नवा कलेक्टर होही। पदुम सिंह एल्मा ह धमतरी कलेक्टर होही। रानू साहू ल कोरबा कलेक्टर के जिम्मेदारी मिले हे। बलरामपुर कलेक्टर श्याम धावड़े ल कोरिया कलेक्टर बनाए गे हे। बस्तर जिला पंचायत सीईओ इंद्रजीत सिंह चंद्रवाल ह बलरामपुर कलेक्टर होही।
जितेंद्र शुक्ला ल जांजगीर अउ अजीत बसंत ल मुंगेली कलेक्टर बनाए गे है, (chhattisgarh) कोरिया कलेक्टर सत्यनारायण राठौर अउ जेपी मौर्य ल धमतरी कलेक्टर ले मंत्रालय बुला ले गे हे। किरण कौशल ल मार्कफेड के नवा एमडी बनाए गे हे। राजनांदगांव कलेक्टर टोपेश्वर वर्मा ल खाद्य विभाग के संगेसंग परिवहन आयुक्त बनाये गे हे।
