chhattisgarh : सीएम भूपेश बघेल ह करिन बड़का घोसना, निजी स्कूल के लइका मन ल घलो महतारी दुलार योजना के मिलही लाभ

जय जोहार…. (chhattisgarh) सीएम भूपेश बघेल ह आज बड़का घोसना करे हे। सीएम बघेल ह कहिन कि कोरोना महामारी ले माता-पिता या अभिभावक ल खो चुके लइका मन ह जेन निजी स्कूल म पढ़त रिहिन, ओखर पढ़ई के खर्च ल घलो छत्तीसगढ़ सर्कार ह उठाही। अइसे लइका मन ल राज्य सरकार के तरफ ले सुरु करे गे महतारी दुलार योजना के लाभ मिलही।

प्राइवेट स्कूल म पिछले एक बच्छर ले पढ़त अइसे लइका मन ह उही निजी स्कूल या आत्मानंद इंग्लिश मीडियम स्कूल म अपन इच्छा के अनुसार पढ़ सकही, राज्य सरकार के तरफ ले ओखर फीस के वहन करे जाहि। (chhattisgarh) बता दें कि छत्तीसगढ़ सरकार के तरफ ले कोरोना माहमारी ले मृत व्यक्ति अथवा पालक के ऐसे लइका मन के जेन शासकीय स्कूल म अध्ययन करत रिहिन, ओमन न मुफ्त शिक्षा अउ मासिक छात्रवृत्ति दे बर महतारी दुलार योजना ल प्रारंभ करे गे हे।

(chhattisgarh) मुख्यमंत्री बघेल के ए घोसना के बाद अब शासकीय स्कूल के संगेसंग प्राइवेट स्कूल म पढ़त रिहिन ऐसे लइका मन जेखर माता-पिता अथवा पालक के कोरोना महामारी ले मृत्यु हो गे हे, ओमन ल महतारी दुलार योजना के लाभ मिलही। महतारी दुलार योजना के तहत छात्र मन ल पहली ले 8वीं तक 500 रुपया प्रति महीना अउ कक्षा 9वीं ले 12वीं तक एक हजार रुपया प्रति माह के छात्रवृत्ति दे जाहि।