train : 22 जून ले फेर होही नईदिल्ली अउ बिलासपुर के मध्य रद्द स्पेशल ट्रेन के परिचालन

जय जोहार…. (train) रेलवे प्रशासन के तरफ ले रेल यात्री मन के सुविधा अउ मांग ल धियान म रखत हुये नईदिल्ली अउ बिलासपुर के मध्य रद्द करे गे नई दिल्ली-बिलासपुर-नई दिल्ली स्पेशल ट्रेन ल फेर चलाये के निर्णय ले गे हे।

ये नई दिल्ली-बिलासपुर स्पेशल ट्रेन (train) ह 02442 के संग नई दिल्ली ले हरेक मंगलवार अउ शनिवार के 22 जून ले चलही। उहचे विपरीत दिशा म घलो बिलासपुर-नई दिल्ली स्पेशल ट्रेन ह 02441 के संग हरेक सोमवार अउ गुरुवार के बिलासपुर ले 24 जून ले परिचालन होही।

ये नई दिल्ली-बिलासपुर-नई दिल्ली स्पेशल ट्रेन (train) म सिर्फ कंफर्म टिकट यात्री मन ल ही यात्रा करे के अनुमति रही। संगेसंग यात्रा के दौरान कोविड-19 के सबो नियम के आवश्यक रूप ले पालन करे ल होही।