unlock: रायपुर म अब रविवार के घलो खुलही दुकान, आदेश हो गे जारी

जय जोहार…. (unlock) राजधानी रायपुर म अब रविवार के घलो दुकान खुलही। कलेक्टर सौरव कुमार ह रविवार के पूरा लॉकडाउन म 2 बजे तक के छूट दे दे हे। सप्ताह म 6 दिन संझा 7 बजे तक अभी दुकान ह खुलत हे, लेकिन रविवार के 2 बजे तक दुकान ह खुलही।

उहचे ब्यूटी-पार्लर अउ सैलून ल संझा 7 बजे तक खोले जा सकही । (unlock) कलेक्टर ह अपन आदेश म कहे हे कि सबो प्रकार के अस्थायी, स्थायी दुकान, शापिंग मॉल, व्यावसायिक प्रतिष्ठान, सुपर मार्केट , सुपर बाजार, फल सब्जी, मंडी, बाजार, शराब दुकान, ठेला सैलून, ब्यूटी पार्लर, पार्क अउ जिम ल खोले जा सकही।

हालांकि (unlock) ब्यूटी पार्लर अउ सैलून ल संझा 7 बजे तक खोले जा सकही , जबकि दूसर दुकान ल मंझनिया 2 बजे तक ही खोले के इजाजत होही । एखर पहले कलेक्टर ह शादी म बैंड पार्टी अउ धुमाल ल घलो बजाये के इजाजत दे दे रिहिन।