chhattisgarh: सीएम भूपेश बघेल ह काली कोण्डागांव अउ दंतेवाड़ा जिला ल देही विकास काम के सौग़ात, पढ़व
जय जोहार…. (chhattisgarh) सीएम भूपेश बघेल ह काली रविवार के कोण्डागांव अउ दंतेवाड़ा जिला ल निर्माण काम के सौग़ात देही। सीएम बघेल ह रायपुर के अपन निवास कार्यालय म आयोजित वर्चुअल कारीकरम में दुनो जिला म 437 करोड़ 63 लाख रुपिया के लागत के 785 निर्माण काम के भूमिपूजन अउ लोकार्पण करही।
सीएम बघेल ह मंझनिया 12 बजे वीडियो कॉन्फ्रेंसिंग ले कोण्डागांव जिला म 196 करोड़ 92 लाख रुपिया के लागत के 128 विकास काम के भूमिपूजन अउ लोकार्पण करही। (chhattisgarh) एमा 151 करोड़ 92 लाख रूपया के 108 विकास काम के भूमिपूजन अउ 44 करोड़ 99 लाख रूपया के लागत के 20 निर्माण काम के लोकार्पण सामिल हे।
अइसने सीएम बघेल ह मंझनिया एक बजे दंतेवाड़ा जिला म 340 करोड़ 71 लाख रुपिया के लागत ले 657 काम के लोकार्पण अउ भूमिपूजन करही। (chhattisgarh) जेमा 144 करोड़ 34 लाख 62 हजार रुपिया के लागत के 345 विकास काम के लोकार्पण अउ 196 करोड़ 36 लाख 58 हजार रुपिया के लागत के 312 काम के भूमिपूजन सामिल हे।
