Bilaspur district म घलो बाढ़ गे सबो दुकान ल बंद करे के बेरा, कलेक्टर ह जारी करीन आदेस, पढ़व
जय जोहार…. राजधानी रईपुर के बाद अब बिलासपुर जिला (Bilaspur district) म सबो दुकान अउ संस्थान ल खोले के बेरा ह बाढ़ गे हे। संगे संग रविवार म होवइया लाॅकडाउन ल घलो हटा दे गे हे। अब रविवार के घलो दुकान ह रात 8 बजे तक खोले जा सकही। ए संबंध म आज बिलासपुर कलेक्टर सारांश मित्तर ह आदेस जारी करे हे।
(bilaspur district) जारी आदेस के मुताबिक प्रतिबंधित गतिविधि ल छोड़ के आन सबो स्थायी अउ अस्थायी दुकान, शॉपिंग मॉल, व्यवसायिक प्रतिष्ठान, सुपर मार्किट , सुपर बाजार, फल अउ सब्जी मंडी/ बाजार, आनाज मंडी, शो रूम, क्लब, मदिरा दुकान, ठेला, सैलून, स्पा अउ जिम ल हरेक दिन रात 8 बजे तक खोले जा सकत हे।
हरेक दिन रात 8 बजे ले बिहनिया 6 बजे तक पुरा व्यावसायिक गतिविधि बंद रही। (bilaspur district) ए दउरान सिरिफ अस्पताल, क्लिनिक, मेडिकल दुकान , पेट्रोल पंप, पशु चिकित्सालय, थोक माल, कार्गो, फल, सब्जी के लोडिंग अउ अनलोडिंग के तय बेरा म अनुमति होही।
