chhattisgarh : हमर ग्रामसभा ह काली रेडियो म होही प्रसारित, पंचायत मंत्री टीएस सिंहदेव ह विभागीय योजना के देही जानकारी

जय जोहार…. (chhattisgarh) रेडियो म काली रविवार के हमर ग्रामसभा कारीकरम ल प्रसारित करे जाही। ए कारीकरम म पंचायत मंत्री टीएस सिंहदेव ह कोविड 19 प्रबंधन अउ विभागीय योजना के जानकारी ल देही।

(chhattisgarh) मंत्री सिंहदेव ह संझा 7.30 बजे ले 8 बजे तक आकासवाणी रईपुर ले प्रसारित होवइया ए बिसेस कारीकरम म कोरोना ले बचाव के उपाय के संग राज्य सासन के नीति, योजना अउ कारीकरम के बारे म बताही। कारीकरम ल मीडियम वेब 981 किलो हर्ट्ज म सुने जा सकत हे। प्रदेस म आकासवाणी के सबो केंद्र ह ए कारीकरम ल प्रसारित करही।

राज्य सासन के पंचायत-ग्रामीण विकास विभाग, ठाकुर प्यारेलाल राज्य पंचायत अउ ग्रामीण विकास संस्थान, निमोरा डहार ले साप्ताहिक रेडियो कारीकरम ‘हमर ग्रामसभा’ के निर्माण करे जात हे। (chhattisgarh ) एला आकासवाणी रायपुर डहार ले हरेक रविवार संझा साढ़े सात बजे ले आठ बजे तक प्रसारित करे जात हे। 27 जून के एखर 48वा कड़ी के प्रसारण होही ।