corona: देस म 24 घंटा म सामने आय हे 50 हजार नवा मरीज, 1258 संक्रमित के हो गे मौत

जय जोहार…. (corona) देस म बीते 24 घंटा म कोरोना के 50 हजार ले जादा नवा मामला के पहचान होय हे। उहें 57 हजार 944 मरीज ल बने होय के बाद अस्पताल ले छुट्टी दे दे गे हे। जबकि इलाज के दउरान 1258 संक्रमित मन के जान चले गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 50 हजार 040 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 02 लाख 32 हजार 320 हो गे हे। जेमा ले 5 लाख 86 हजार 403 एक्टिव मामला हे।

उहें 2 करोड़ 92 लाख 43 हजार 335 मरीज ह कोरोना (corona) ल मात दे दे हे, जेखर बाद ओमन ल अस्पताल ले डिस्चार्ज कर दे गे हे। ए वायरस ले देस म अब तक 3 लाख 95 हजार 751 मरीज के मौत हो गे हे।