corona: प्रदेस म आज मिले हे कोरोना के 322 नवा मरीज, रईपुर म घलो 23 पॉजिटिव
जय जोहार…. (corona) छत्तीसगढ़ म आज कोरोना के 322 नवा मामला के पहिचान होय हे। उहें 533 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 5 मरीज के मउत हो गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 14, राजनांदगांव ले 1, बालोद ले 2, बेमेतरा ले 2, कबीरधाम ले 2, रईपुर ले 23, धमतरी ले 12, बलौदाबाजार ले 9, महासमुंद ले 3, गरियाबंद ले 7, बिलासपुर ले 7, रायगढ़ ले 18, कोरबा ले 12, जांजगीर-चांपा ले 27, मुंगेली ले 1, गौरेला-पेंड्रा-मरवाही ले 1, सरगुजा ले 9, कोरिया ले 10, सूरजपुर ले 11, बलरामपुर ले 6, जशपुर ले 16, बस्तर ले 24, कोंडागांव ले 14, दंतेवाड़ा ले 10, सुकमा ले 44, कांकेर ले 4, नारायणपुर ले 4, बीजापुर ले 28 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 9 लाख 96 हजार 359 हो गे हे, जेमा ले 5 हजार 004 एक्टिव मामला हे। उहें 9 लाख 77 हजार 893 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13462 मरीज के जान चले गे हे।
