corona: प्रदेस म आज होय हे कोरोना के 330 नवा मरीज के पहिचान, रईपुर म घलो 20 पॉजिटिव
जय जोहार…. (corona) छत्तीसगढ़ म आज कोरोना के 330 नवा मामला के पहिचान होय हे। उहें 315 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 2 मरीज के मउत हो गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 12, राजनांदगांव ले 3, बालोद ले 4, बेमेतरा ले 6, कबीरधाम ले 2, रईपुर ले 20, धमतरी ले 6, बलौदाबाजार ले 6, महासमुंद ले 4, गरियाबंद ले 2, बिलासपुर ले 11, रायगढ़ ले 12, कोरबा ले 10, जांजगीर-चांपा ले 35, मुंगेली ले 2, सरगुजा ले 19, कोरिया ले 8, सूरजपुर ले 6, बलरामपुर ले 9, जशपुर ले 21, बस्तर ले 14, कोंडागांव ले 13, दंतेवाड़ा ले 17, सुकमा ले 38, कांकेर ले 8, नारायणपुर ले 7, बीजापुर ले 34 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 9 लाख 96 हजार 689 हो गे हे, जेमा ले 5 हजार 017 एक्टिव मामला हे। उहें 9 लाख 78 हजार 208 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13464 मरीज के जान चले गे हे।
