corona : देस म 24 घंटा म होय हे कोरोना के 37154 नवा मामला के पहिचान, पढ़व

जय जोहार…. (corona) देस म बीते 24 घंटा म कोरोना के 37 हजार ले जादा नवा मामला के पहिचान होय हे। उहें 39649 मरीज मन ह कोरोना ल मात दे दे है, जेखर बाद ओमन ल अस्पताल ले छुट्टी दे दे गे हे , जबकि इलाज के दउरान 724 संक्रमित मन के जान चले गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 37 हजार 154 नवा मरीज मिले हे, एला मिला के देस म कोरोना संक्रमित मन के संख्या ह 3,08,74,376 हो गे हे। जेमा ले 4 लाख 50 हजार 899 एक्टिव मामला हे।

उहें 3 करोड़ मरीज ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे है। ए वायरस ले देस म अब तक 4 लाख 08 हजार 764 मरीज के मउत हो गे हे।