Chhattisgarh Assembly Session: नेता प्रतिपक्ष धरमलाल कौशिक ह सदन म उठाइन हे गोबर चोरी के मामला, पढ़व
जय जोहार…. (Chhattisgarh Assembly Session) विधानसभा मानसून सत्र म आज नेता प्रतिपक्ष धरमलाल कौशिक ह सदन म गोबर चोरी के मामला ल उठाइन हे। वो हा गोबर चोरी होय अउ पानी म बह जाय के सिकायत म कार्रवाई के जानकारी ल विभागीय मंत्री ले मांगीन। एखर जवाब म कृषि मंत्री रविंद्र चौबे ह बताइन कि 4 जिला म गोबर खरीदी केंद्र म गोबर चोरी होय अउ पानी म बह जाय के सिकायत म कार्रवाई करे गे हे।
वो हा बताइन हे कि अब तक 486904.86 टन गोबर ल खरीदे गेहे, जेखर बर 9709.71 लाख रुपिया के भुगतान करे गे हे अउ 28.48 लाख रुपिया के भुगतान ह प्रक्रिया म हे। (Chhattisgarh Assembly Session) उहें 8 लाख क्विंटल वर्मी कंपोस्ट के विक्रय कर चुके हन। मंत्री रविन्द्र चौबे ह किहीन कि आज जइसनहे गोबर खरीदी अउ वर्मी कम्पोस्ट पर सवाल लगाए गे हे, ओखर ले ए इस योजना के अहमियत ह समझ आवत हे,
नेता प्रतिपक्ष श्री कौशिक ह सवाल करीन कि 97 करोड़ के गोबर के हिसाब नई दे पात हे। (Chhattisgarh Assembly Session) एखर जवाब म मंत्री चौबे ह किहीन कि 11 हजार ग्राम पंचायत म गौठान बनावत हन। 8 हजार गौठान तैयार हो गे हे। एखर लाभांस के 85 प्रतिसत स्वसहायता समूह ल दे जात हे।
