जय जोहार…. (corona) प्रदेस म आज कोरोना के 214 नवा मामला सामने आय हे। उहें 157 मरीज ह कोरोना न मात दे दे हे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दउरान 1 मरीज के मउत हो गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 70, बालोद ले 1, बेमेतरा ले 1, कबीरधाम ले 2, रईपुर ले 39, धमतरी ले 2, बलौदाबाजार ले 3, महासमुंद ले 2, गरियाबंद ले 1, बिलासपुर ले 19, रायगढ़ ले 9, कोरबा ले 4, जांजगीर-चांपा ले 12, मुंगेली ले 2, सरगुजा ले 2, कोरिया ले 4, सूरजपुर ले 1, जशपुर ले 2, बस्तर ले 7, कोंडागांव ले 2, दंतेवाड़ा ले 1, सुकमा ले 1, कांकेर ले 8, नारायणपुर ले 1, बीजापुर ले 3 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 02 हजार 222 हो गे हे, जेमा ले 1 हजार 919 एक्टिव मामला हे। उहें 9 लाख 86 हजार 778 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13525 मरीज के जान चले गे हे।
