corona : देस म 24 घंटा म सामने आय हे कोरोना के 38 हजार ले जादा नवा मामला, 478 संक्रमित के होगे मउत
जय जोहार…. (corona) देस म बीते 24 घंटा म कोरोना के 38 हजार नवा मामला सामने आय हे । उहें 35746 मरीज मन ह कोरोना ल मात दे दे हे, जेखर बाद ओमन ल अस्पताल ले छुट्टी दे दे गे हे , जबकि इलाज के दउरान 478 संक्रमित मन के मउत हो गे हे।
केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 38 हजार 667 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 21 लाख ले जादा हो गे हे। जेमा ले 3 लाख 87 हजार 673 एक्टिव मामला हे।
उहें 3 करोड़ 13 लाख 38 हजार 078 मरीज ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे है। ए वायरस ले देस म अब तक 4 लाख 30 हजार ले जादा मरीज के मउत हो गे हे।
