corona : प्रदेस म आज सामने आय हे कोरोना के 49 नवा मामला, 1 मरीज के होगे मउत
जय जोहार… (corona) प्रदेस म आज कोरोना के 49 नवा मामला के पहिचान होय हे। उहें 114 मरीज ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दउरान 1 मरीज के मउत हो गेहे।
प्रदेस म आज जेन कोरोना (corona) के नवा मरीज मिले हे, ओमा रईपुर ले 3, धमतरी ले 1, बलौदाबाजार ले 2, महासमुंद ले 5, बिलासपुर ले 5, रायगढ़ ले 4, कोरबा ले 4, जांजगीर-चांपा ले 2, सरगुजा ले 2, जशपुर ले 1, बस्तर ले 11, कोंडागांव ले 1, दंतेवाड़ा ले 1, सुकमा ले 1, कांकेर ले 5, बीजापुर ले 1 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 03 हजार 746 हो गे हे, जेमा ले 1 हजार 295 एक्टिव मामला हे। उहें 9 लाख 88 हजार 904 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13547 मरीज के जान चले गे हे।
