corona : प्रदेस म आज होय हे कोरोना के 61 नवा मरीज के पहिचान, रईपुर म घलो 10 पॉजिटिव

जय जोहार… (corona) प्रदेस म आज कोरोना के 61 नवा मरीज सामने आय हे। उहें 74 मरीज ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 2 मरीज के जान चले गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 10, बालोद ले 1, रईपुर ले 10, धमतरी ले 1, बलौदाबाजार ले 2, गरियाबंद ले 2, बिलासपुर ले 2, रायगढ़ ले 2, कोरबा ले 2, जांजगीर-चांपा ले 3, कोरिया ले 1, जशपुर ले 5, बस्तर ले 11, कोंडागांव ले 1, दंतेवाड़ा ले 2, सुकमा ले 6 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 03 हजार 995 हो गे हे, जेमा ले 959 एक्टिव मामला हे। उहें 9 लाख 89 हजार 485 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13551 मरीज के जान चले गे हे।