CM Bhupesh Baghel ह आज 21 लाख किसान मन के खाता म 1522 करोड़ रुपिया के करही आनलाइन भुगतान

जय जोहार…. सीएम भूपेश बघेल (CM Bhupesh Baghel) ह पूर्व प्रधानमंत्री स्वर्गीय राजीव गांधी के जयंती 20 अगस्त के मौका म धान अउ गन्ना उत्पादक राज्य के करीबन 21 लाख किसान मन ल राजीव गांधी किसान न्याय योजना के तहत 1522 करोड़ रुपिया के भुगतान ल सीधा ओखर बैंक खाता म करही।

ए अवसर म सीएम भूपेश बघेल (CM Bhupesh Baghel) ह गोधन न्याय योजना के अंतर्गत पशुपालक मन ले क्रय करे गे गोबर-गौठान समिति अउ महिला स्व-सहायता समूह ल 3 करोड़ 49 लाख रुपिया के रासि के आनलाइन अंतरण घलो करही। किसान अउ पशुपालक ,मन ल आनलाइन रासि अंतरण के ए कारीकरम ह मंझनिया एक बजे ले मुख्यमंत्री निवास कार्यालय म होही। ए अवसर म राजीव आश्रय योजना के तहत हितग्राही मन न पट्टा के वितरण घलो होही।

सीएम भूपेश बघेल (CM Bhupesh Baghel ) ह आज रईपुर सहर ल कतकोन ऐतिहासिक सौगात घलो देही, जेमा भगत सिंह चौक म नवनिर्मित सेड, मल्टीलेवल पार्किंग, शहीद स्मारक अंग्रेजी माध्यम स्कूल अउ रईपुर के भाठागांव में अंतर्राज्यीय बस टर्मिनल परिसर, खारून नदी के जल ल प्रदूसण ले बचाय बर 6 एम.एल.डी. सिवरेज ट्रीटमेंट प्लांट के लोकार्पण सामिल हे।