corona : प्रदेस म आज होय हे कोरोना के 47 नवा मरीज के पहिचान, रईपुर म घलो 7 पॉजिटिव

जय जोहार… (corona) प्रदेस म आज कोरोना के 47 नवा मरीज सामने आय हे। उहें 102 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 1 मरीज के मउत हो गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 1, बेमेतरा ले 1, रईपुर ले 7, गरियाबंद ले 1, बिलासपुर ले 3, रायगढ़ ले 3, कोरबा ले 2, जांजगीर-चांपा ले 6, मुंगेली ले 1, कोरिया ले 2, बलरामपुर ले 1, जशपुर ले 7, बस्तर ले 2, कोंडागांव ले 3, दंतेवाड़ा ले 2, सुकमा ले 2, नारायणपुर ले 1, बीजापुर ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 04 हजार 230 हो गे हे, जेमा ले 653 एक्टिव मामला हे। उहें 9 लाख 90 हजार 022 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13555 मरीज के जान चले गे हे।