corona : देस म 24 घंटा म सामने आय हे कोरोना के 31 हजार ले जादा नवा मामला, 338 मरीज के होगे मउत

जय जोहार…. (corona) देस म पिछले 24 घंटा म कोरोना के 31 हजार ले जादा नवा मरीज के पहिचान होय हे । उहें 37880 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे , जबकि इलाज के दउरान 338 संक्रमित मन ह दम तोड़ देहे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 31 हजार 287 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 32 लाख 32 हजार 168 हो गे हे। जेमा ले 3 लाख 80 हजार ले जादा एक्टिव मामला हे।

उहें तीन करोड़ 23 लाख 96 हजार 131 मरीज ल ठीक होय के बाद अस्पताल ले डिस्चार्ज कर दे गे है। ए वायरस ले देस म अब तक चार लाख 42 हजार 688 संक्रमित के मउत हो गे हे।