Gujarat: भूपेन्द्र पटेल ह लीन हे गुजरात के मुख्यमंत्री पद के शपथ

जय जोहार…. (Gujarat) गुजरात के नवनियुक्त मुख्यमंत्री भूपेन्द्र पटेल ह राज्य के 17 वां मुख्यमंत्री के तौर म पद अउ गोपनीयता के शपथ लीन हे । राजभवन म आयोजित समारोह म राज्यपाल आचार्य देवव्रत ह ओमन ल शपथ दिलाइन हे। वो हा अकेला ही शपथ लीन।

(Gujarat) ए अवसर म केंद्रीय गृह मंत्री अमित शाह, भाजपा शासित चार राज्य के मुख्यमंत्री कर्नाटक के बासवराज बोम्मई, मध्य प्रदेश के शिवराज चौहान, गोवा के प्रमोद सावंत अउ हरियाणा के मनोहरलाल खट्टर उपस्थित रिहीन ।

पेशे ले बिल्डर भूपेंद्र पटेल ह रविवार संझा राजभवन जा के राज्यपाल के समक्ष सरकार बनाय के दावा पेश करे रिहीन। (Gujarat) ए मउका म केंद्रीय निरीक्षक नरेंद्र सिंह तोमर अउ प्रह्लाद जोशी, पार्टी के केंद्रीय महामंत्री तरुण चुघ, प्रदेस प्रमुख सीआर पाटिल अउ प्रदेस प्रभारी भूपेन्द्र यादव, पूर्व मुख्यमंत्री विजय रूपाणी मौजूद रिहीन।