corona : देस म 24 घंटा म होय हे कोरोना के 22842 नवा मरीज के पहिचान, 244 मरीज के होगे मउत

जय जोहार…. (corona) देस म पिछले 24 घंटा म कोरोना के 22 हजार ले जादा नवा मरीज के पहिचान होय हे । उहें 25930 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे। जबकि उपचार के दउरान 244 मरीज के जान चले गेहे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 22 हजार 842 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 38 लाख 73 हजार 803 हो गे हे। जेमा ले दो लाख 70 हजार 557 एक्टिव मामला हे।

उहें (corona ) तीन करोड़ 30 लाख 94 हजार 529 मरीज ल ठीक होय के बाद अस्पताल ले डिस्चार्ज कर दे गे है। ए वायरस ले देस म अब तक 4 लाख 48 हजार 817 मरीज के मउत हो गेहे।