chhattisgarh : सीएम भूपेश बघेल ह बेमेतरा जिला चिकित्सालय म ऑक्सीजन प्लांट अउ डायलिसिस सुविधा के करीन लोकार्पण
जय जोहार…. (chhattisgarh ) मुख्यमंत्री भूपेश बघेल ह बेमेतरा प्रवास के दुसरइया दिन रविवार के जिला ल चिकित्सा सुविधा के बड़का सौगात दीन हे। मुख्यमंत्री बघेल ह जिला अस्पताल परिसर म एक करोड़ एक लाख रुपिया के लागत ले स्थापित 500 एलपीएम क्षमता के ऑक्सीजन प्लांट के लोकार्पण करीन।
संगेसंग डायलिसिस सुविधा के घलो सुभारंभ करीन । अस्पताल म ऑक्सीजन के आवश्यकता वाला गंभीर रोगी मन ल अब सहजता ले ऑक्सीजन के आपूर्ति हो सकही। मुख्यमंत्री बघेल ह ए अवसर म म जिला चिकित्सालय बेमेतरा म सीटी स्कैन मशीन घलो लगाए जाय के घोसना करीन।
मुख्यमंत्री बघेल ह जिला चिकित्सालय ल डायलिसिस यूनिट प्रदान करे बर लायंस क्लब बेमेतरा के सराहना करीन। वो हा किहीन कि लायंस क्लब ह सेवा के उत्कृष्ठ उदाहारण पेश करे हे। (chhattisgarh ) वो हा किहीन कि एक बेरा डायलिसिस के सुविधा बर मरीज मन ल दिल्ली, मुम्बई जइसे बड़े सहर म जाना पड़त रिहीन, कई मनखे मन ह ए सुविधा ले वंचित रह जात रिहीन। अब जिला म डायलिसिस के सुविधा उपलब्ध होय ल लगे है अउ गरीब ले गरीब मनखे मन घलो एखर लाभ ले सकत हे।
