chhattisgarh : मंत्री शिवकुमार डहरिया ह बलौदाबाजार म साढ़े 6 करोड़ के विकास काम के करीन लोकार्पण अउ भूमिपूजन
जय जोहार…. (chhattisgarh ) नगरीय प्रसासन अउ विकास मंत्री डॉ. शिवकुमार डहरिया ह बलौदाबाजार सहर के विकास बर 3 करोड़ रुपिया दे के घोसना करे हे। मंत्री डॉ. डहरिया ह बलौदाबाजार म लगभग साढ़े 6 करोड़ रुपिया के विकास काम के लोकार्पण अउ भूमिपूजन करे के बाद आयोजित सभा ल सम्बोधित करत हुए ये घोसना करे हे।
(chhattisgarh ) वो हा बलौदाबाजार म मरार पटेल समाज के सामुदायिक भवन अउ पेंशनर्स समाज के भवन निर्माण बर 10-10 लाख रुपिया दे के ऐलान घलो करीन हे। ए अवसर म आयोजित कारीकरम के अध्यक्षता ल पाठ्यपुस्तक निगम के अध्यक्ष शैलेश नितिन त्रिवेदी ह करीन।
कारीकरम म (chhattisgarh ) राज्य कृषक कल्याण परिषद के अध्यक्ष सुरेन्द्र शर्मा, विधायक प्रमोद शर्मा, जिला पंचायत अध्यक्ष राकेश कुमार वर्मा, नगरपालिका अध्यक्ष चित्तावर जायसवाल, जिला अध्यक्ष हितेन्द्र ठाकुर, जनपद अध्यक्ष सुमन वर्मा उपस्थित रिहीन ।
