chhattisgarh : सीएम भूपेश बघेल ह 1 नवम्बर के जारी करही राजीव गांधी किसान न्याय योजना के तीसरइया क़िस्त के रकम
जय जोहार…. (chhattisgarh ) मुख्यमंत्री भूपेश बघेल ह एक नवम्बर के राज्य स्थापना दिवस के अवसर म प्रदेस के किसान मन के खाता म 1500 करोड़ रुपिया के रासि ल जारी करही। ये रासि राजीव गांधी किसान न्याय योजना के तीसरइया क़िस्त के रूप म दे जाही। दीवाली तिहार के ठीक पहले राज्य के 21 लाख किसान मन ल 1500 करोड़ रुपिया मिले ले ओखर दीवाली के खुसी दुगुना हो जाही।
एक नवम्बर के कृषक मन ल राजीव गांधी किसान न्याय योजना के तहत तीसरइया क़िस्त के रासि जारी करे के सबो तैयारी पूरा हो गेहे। एला मिलाके राज्य के कृषक मन न 4548 करोड़ रूपया के रासि मिल जाही। (chhattisgarh ) उल्लेखनीय हे कि राजीव गांधी किसान न्याय योजना के तहत प्रदेस म फसल उत्पादकता अउ फसल विविधिकरण ल बढ़ावा दे बर आदान सहायता रासि दे जाय के प्रावधान ल खरीफ बछर 2019 ले लागू करे गेहे।
बछर 2019 म धान अउ गन्ना के उत्पादक 19 लाख किसान मन ल 5702 करोड़ 13 लाख रुपिया के रासि जारी करे गए रिहीस। बछर 2020 म धान अउ गन्ना के उत्पादक कृषक मन ल योजना के तहत चार क़िस्त म आदान सहायता रासि प्रदान करे जावत हे। (chhattisgarh ) धान अउ गन्ना उत्पादक कृषक मन ल पहला क़िस्त के रासि 1525 करोड़ 97 लाख रुपिया के भुगतान 21 मई 2021 के अउ दुसरइया क़िस्त के रासि 1522 करोड़ 03 लाख रुपिया के भुगतान 20 अगस्त 2021 के करे जा चुके हे।
